Mahakama ya Kimataifa ya Usuluhishi wa michezo (CAS) ilitarajiwa kutoa hukumu ya shauri la mchezaji Bernard Morrison dhidi ya Yanga leo
Hata hivyo taarifa zilizopatikana mapema leo, zimebainisha kuwa hukumu ya shauri hilo imesogezwa mbele, Oktoba 26
Wakili Alex Mgongolwa amethibitisha kupokea taarifa ya CAS kuhusu kuahirishwa kwa hukumu ya shauri hilo
"Tumepokea taarifa kutoka CAS ikieleza hukumu imesogezwa mbele mpaka Oktoba 26. Siku zote ukiona kama hukumu inasogezwa mbele basi mleta shauri ana hoja ndio maana unaona hivyo, kwahiyo tunasubiri maamuzi hayo," alisema Mgongolwa
Ni takribani mwaka mmoja sasa tangu Yanga ilipofungua shauri hilo CAS baada ya kutoridhishwa na hukumu iliyotolewa na Kamati ya Rufaa na Hadhi za Wachezaji ya TFF ambayo ilibatilisha mkataba wa Morrison na Yanga na kumhalalisha ajiunge na Simba
