Timu ya Taifa ya Tanzania 'Taifa Stars' iko DR Congo ambako jioni ya leo majira ya saa 10 itashuka kwenye uwanja wa TP Mazembe kuwakabili wenyeji wao DR Congo katika mchezo wa kuwania tiketi ya kufuzu fainali za kombe la dunia
Tanzania imepangwa kundi J ikiwa sambamba na timu za Benin, DR Congo na Madagascar
Mchezo utakaofuata ni dhidi ya Madagascar ambao utapigwa jijini Dar es salaam Septemba 07
Vijana wa kocha Kim Poulsen walitua DR Congo juzi ambapo siku ya jana jioni walikamilisha maandalizi yao ya mwisho
Ni mchezo unaotarajiwa kuwa mgumu kila timu ikihitaji matokeo ili kujiweka vyema katika mapambano ya kuwania nafasi ya kuongoza kundi ili kutinga hatua ya pili ya mtoano
Kwani ni timu moja tu kutoka kwa kila kundi ambayo itafuzu raundi ya pili
Kila la kheri Taifa Stars...
