Mshambuliaji wa Yanga Heritier Makambo ameeleza kufarijika baada ya kufunga bao pekee katika mchezo wa pre-season dhidi ya Zanaco Fc katika kilele cha Wiki ya Mwananchi
Makambo amerejea katika kikosi cha Yanga baada ya misimu miwili akitokea klabu ya Horoya Ac
Amesema amefurahi tena kuungana na mashabiki wa Yanga akiahidi kufanya kazi kwa nguvu zote
"Nimefurahi sana kufunga pia nimefurahi sana kuona tena mashabiki wangu kwani muda mrefu sana nilikuwa nimewamiss,sasa mambo mazuri zaidi yanakuja sasa ni Muda wa Kazi tu"
Aidha Makambo amewatoa hofu mashabiki wa Yanga akiwahakikishia timu yao ni nzuri ana imani kubwa watafanya vizuri msimu huu
"Tuna wachezaji wote wanajua mpira, nafikiri tutaendelea kuimarika tutakuwa vizuri sana," alisema Makambo
Baada ya kumaliza wiki ya Mwananchi, Yanga imerejea kambini Avic Town kujiandaa na mchezo wa kwanza wa hatua ya awali ligi ya mabingwa dhidi ya Rivers United
Mchezo utapigwa Septemba 12 katika uwanja wa Benjamin Mkapa
