Kiungo Mukoko Tonombe na mlinzi wa kati Abdallah Shaibu 'Ninja' wamepewa program maalum ya kuwaimarisha kabla ya kujumuishwa katika kikosi na wachezaji wengine, imefahamika
Kumekuwa na maswali mengi kuhusu kutoonekana kwa wachezaji hao (hasa Mukoko) ambaye alionekana kikosini kwenye mazoezi ya siku ya kwanza tu, juzi nchini Morocco
Afisa Habari wa Yanga Hassan Bumbuli ametoa ufafanuzi kuwa wachezaji hao wamepewa program maalum ya mazoezi baada ya kubainika kwa hawako 'fit'
"Tulipofika Morocco kocha wa viungo aliwafanyia wachezaji vipimo vya utimamu wa mwili na kubaini Mukoko na Ninja hawakuwa sawa hivyo kupewa program maalum ya mazoezi"
"Wanayanga wasiwe na wasiwasi kwani wachezaji hao wanaendelea na matibabu kutoka kwa wataalam wetu wa afya," alisema Bumbuli
Kikosi cha Yanga kinaendelea na pre-season nchini Morocco ambapo leo ni siku ya pili tangu mabingwa hao wa kihistoria walipoanza kujifua nchini humo
