Nafasi nyingine kwa Farid Mussa

Winga Farid Mussa ni miongoni mwa wachezaji wanaotarajiwa kuondoka na kikosi cha Yanga kuelekea Morocco kwa ajili ya maandalizi ya msimu mpya wa ligi na Michuano ya CAF

Farid ameongeza mkataba wake na klabu ya Yanga baada ya ule wa mwaka mmoja aliosaini awali kumalizika

Farid ni nyota mwenye kipaji kikubwa ambacho bado Wananchi hawajakifaidi

Baada ya kucheza nchini Hispania kwa miaka minne, Farid alirejea na kuitumikia Yanga msimu uliopita

Hakuwa katika ubora ambao wengi wanatamani kumuona lakini ana nafasi nyingine ya kudhihirisha msimu ujao

Kocha Mkuu wa Yanga Nasreddine Nabi ameonyesha kuwa na imani nae, bila shaka atakuwa na wakati mzuri