Klabu ya Mouloudia Oujda inayoshiriki ligi kuu ya Morocco imewasilisha ofa Yanga kumtaka kiungo Mcongomani Mukoko Tomombe
Juzi wakati akitoa ufafanuzi kuhusu kuuzwa kwa winga Tuisila Kisinda, Makamu Mwenyekiti wa Kamati ya Mashindano Injinia Hersi Said alidokeza walikuwa na ofa nyingine kwa ajili ya wachezaji Mukoko na Yacouba Songne
Hata hivyo haitakuwa rahisi kwa Yanga kuwauza wachezaji hao hasa baada ya kuridhia kumuuza Kisinda
Katika dirisha hili la usajili, Yanga imesajili wachezaji wenye uzoefu wa michuano ya Kimataifa, kuungana na akina Mukoko ambao pamoja na kuwa na uzoefu wa Kimataifa, tayari wamepata uzoefu wa ligi ya ndani
Mukoko atakuwa msaada mkubwa hasa kwa wachezaji waliosajiliwa kutoka DR Congo kupata uzoefu wa ligi ya Tanzania kwa haraka
