Beki kisiki wa timu ya Taifa ya DR Congo Yannick Bangala Litombo yuko nchini kumalizana na Yanga, imefahamika
Bangala ametokea Morocco ambako alikuwa akiitumikia klabu ya FAR Rabat ambayo ilimaliza katika nafasi ya tatu msimu wa ligi uliomalizika
Beki huyo pia amewahi kuitumikia klabu ya AS Vita, kuna wakati Yanga ilijaribu kumsajili wakati akiwa AS Vita pasipo mafanikio
Imeelezwa Bangala alishafikia makubaliano binafsi na Yanga na pengine beki huyo anasubiri utambulisho tu
Wachezaji kutoka DR Congo wanavutiwa kujiunga na Yanga kutokana na mahusiano mazuri yaliyopo
Lakini pia mishahara minono wanayolipwa wachezaji, inawavuta wengine kutoka kila pembe ya Afrika
Bangala ni mchezaji mwenye uzoefu katika michuano ya Kimataifa, akicheza timu ya Taifa, michuano ya ligi ya mabingwa na kombe la Shirikisho
Wakala wa mchezaji huyo Faustino Mukandila ambaye pia ni wakala wa Shabani Djuma, ndiye aliyefanikisha ujio wake nchini
