Mkurugenzi wa Uwekezaji GSM Injinia Hersi Said amekiri kuwa Yanga imepokea ofa kutoka klabu ya RS Berkane kumtaka winga Tuisila Kisinda
Aidha Hersi amesema sio Kisinda tu, wapo wachezaji wengine ambazo ofa zao ziko mezani zikiendelea kufanyiwa tathmini
Hersi ambaye ni Makamu Mwenyekiti wa Kamati ya Mashindano amesema isichukuliwe kama ni jambo baya pale wachezaji wanapotakiwa na timu nyingine
"Ni kweli tumepokea ofa kutoka RC Berkane kwa ajili ya Kisinda. Lakini sio yeye peke yake, tuna ofa kwa ajili ya Yacouba Songne na Mukoko Tonombe pia. Tunaendelea kuzifanyia tathmini kama kuna mwafaka utafikiwa tutatoa taarifa," alisema Hersi
"Yapo mazingira ambayo yanaweza kupelekea mchezaji akauzwa mfano gharama za kuuza mchezaji, muda wa mkataba wake uliobaki na pia kuangalia kama sokoni kuna mbadala wake."
"Suala la kuuza wachezaji linafanyika sana duniani na ni muhimu nasi kwenda katika njia hiyo ambayo wenzetu wanakwenda."
Yanga inahusishwa na winga mwingine kutoka AS Vita Jesus Moloko kuchukua nafasi ya Kisinda
