Jana Shirikisho la soka Barani Afrika (CAF) liliweka hadharani kalenda ya michuano ya ligi ya mabingwa na kombe la Shirikisho kwa msimu ujao 2021/22
Kalenda hiyo inaonyesha kuwa michezo ya hatua ya awali itapigwa mwezi Septemba ambapo mchezo wa kwanza utapigwa kati ya tarehe 10-12 Septemba na marudiano kupigwa kati ya tarehe 17-19 Septemba 2021
Hii ina maana baada ya mchezo wa fainali ya kombe la Shirikisho la Azam (ASFC) ambao utapigwa Jumapili ijao, Julai 25 mkoani Kigoma, kutakuwa na takribani mwezi mmoja na wiki mbili za kujiandaa na michuano hiyo kwa timu za Tanzania ambazo ni Simba, Yanga, Azam Fc na Biashara United
Ni wazi hakutakuwa na muda mrefu wa mapumziko kwa wachezaji kutokana na ligi yetu kuchelewa kumalizika, vinginevyo hakutakuwa na muda wa kutosha kujiandaa
Hapa pia linakuja suala la usajili ambapo dirisha lilifunguliwa jana na litafungwa August 31, 2021. Kamati inayosimamia usajili wanapaswa kuhakikisha wanakamilisha mapema michakato yote ya usajili ili wachezaji wote waanze pamoja maandalizi
Msimu uliomaliza, Yanga iliuanza kwa kusuasua kutokana na changamoto ya kuchelewa kocha na baadhi ya wachezaji
Ukiangalia kama mchezaji atasajiliwa August 31, atakuwa na wiki mbili za kufanya mazoezi na wenzake muda ambao hauwezi kutosha kwake kuingia katika kikosi
Inapaswa mpaka kufikia mwisho wa mwezi huu, kuwa michakato yote ya usajili ikamilike ili maandalizi yatakapoanza mwanzoni mwa August wachezaji wote wapo
