Makamu Mwenyekiti wa Kamati ya Mashindano Yanga Injinia Hersi Said amesema wamepokea ofa kadhaa kutoka timu mbalimbali zinazomuhitaji mshambuliaji Yacouba Songne
Hersi amesema mchezaji huyo amekuwa katika kiwango bora akiwa chachu ya mafanikio ya kikosi cha Yanga kwenye mechi za hivi karibuni
Hersi amesema hiyo inaonyesha ni kwa kiasi gani nyota waliowasajili msimu uliopita wameonyesha thamani yao katika kikosi cha Yanga pamoja na kuwa wapo wachache walioshindwa kutamba
"Tuna ofa nyingi zinazomuhitaji Yacouba, utaona ni kwa kiasi gani ameweza kuonyesha thamani yake ndani ya kikosi mpaka timu hizo kumuona. Niseme kwa kiasi kikubwa usajili wetu wa msimu huu ulifanikiwa kwa kiasi kikubwa. Tulileta wachezaji bora pamoja na kuwa wapo wachache wameshindwa kuonyesha uwezo wao"
"Tumedhamiria kufanya maboresho makubwa ili kuhakikisha msimu ujao tunakuwa na timu imara zaidi," alisema Hersi
Haitakuwa rahisi kwa Yanga kumuuza Yacouba kwani mabingwa hao wa kihistoria wana malengo ya kufanya vizuri katika michuano ya msimu ujao
Yanga inatarajiwa kusajili washambuliaji wengine wenye ubora wa Yacouba au zaidi ili kuhakikisha malengo yanafanikiwa
