April 23 2021 ulikuwa mchezo wake wa kwanza tangu akabidhiwe mikoba ya kukinoa kikosi cha Yanga akipokea kijiti kutoka kwa kocha wa muda Juma Mwambusi
Ilikuwa dhidi ya Azam Fc, akipoteza mchezo huo kwa kufungwa bao 1-0 pale uwanja wa Benjamin Mkapa
Sio matokeo yaliyowafurahisha Wanayanga wengi, lakini Nabi akawaambia watulie, baada ya muda kila kitu kitakuwa sawa
Tangu wakati huo Yanga haikupoteza tena mchezo wowote kwenye ligi na hata FA
Mchezo pekee waliokosa alama zote tatu ni dhidi ya Namungo Fc ambao kila mmoja anafahamu mshika kibendera aliwanyima Yanga ushindi
Waliokuwa wakiibeza Yanga kabla ya mchezo dhidi ya Simba hawakufahamu kazi kubwa aliyokuwa ameifanya Nabi kukiimarisha kikosi chake
Wakati wanakwenda kumpasua Simba, mabingwa hao wa kihistoria walitoka kushinda mechi tano mfululizo, ushindi dhidi ya Simba ulikuwa wa sita
Nabi ameiongoza Yanga katika jumla ya michezo tisa, ushindi saba, sare moja na kupoteza mchezo mmoja
Kikosi ni kilekile ambacho wengi waliamini kina wachezaji wa kawaida sana, Nabi amekibadilisha kuwa timu isiyofungika
Ni wazi kwa usajili ambao Yanga wanafanya, ukiwa na baraka za Nabi kwa asilimia 100, msimu ujao Yanga itakuwa imara zaidi
Kocha huyu raia wa Tunisia amewahi kushinda taji ya CAF CC mwaka 2012 akiwa na AC Leopards na amedhamiria kurejea mafanikio hayo akiwa na Yanga
