Wadau wa soka nchini wameendelea kulaani kitendo kilichofanywa na Afisa Habari wa klabu ya Simba Haji Manara kumdhalilisha na kutishia kumpiga Mwanahabari Prisca Kishamba kwa kuwa tu aliuliza swali katika Mkutano wake ambalo yeye hakulipenda
Kitendo cha kumzuia mwandishi wa habari tena wa kike kufanya kazi yake kwa mujibu wa sheria na matakwa ya kazi kwa kumtolea maneno yenye vitisho sio cha kiungwana kwa jamii ya watu walio wastaarabu.
Wadau wameitaka klabu ya Simba kuomba radhi kwa kitendo kilichofanywa na Afisa wao, kwani tukio hilo linaweza kuathiri mahusiano ya klabu yao kwa Wanahabari
Ninapenda vile Wanahabari wa Yanga wanavyofanya kazi. Hassan Bumbuli na Antonio Nugaz wamekuwa na uhusiano mzuri na waandishi wa habari
Haikuwahi kutokea hata siku moja ukasikia Bumbuli au Nugaz ametofautiana na yeyote huko nje kwa kisingizio cha kulinda 'brand' ya Yanga
Wanahabari ni watu muhimu kwa timu ya mpira wa miguu kwani ndio wanahusika kuwasilisha taarifa kwa mashabiki wao
Sasa unapotengeneza 'bifu' na watu hawa, unajichimbia kaburi tu
