Mchezo dhidi ya African Lyon wafutwa

Klabu ya Yanga imewaomba radhi wapenzi, wanachama na mashabiki wake baada ya kufutwa kwa mchezo wa kirafiki dhidi ya African Lyon uliokuwa upigwe keshokutwa Jumapili katika uwanja wa Azam complex, Chamazi

Taarifa iliyotolewa na Yanga imebainisha kuwa mchezo huo umefutwa kutokana na sababu zisizoweza kuzuilika

"Kutokana na sababu zilizo nje ya uwezo wetu, Mchezo wetu wa Kirafiki dhidi ya African Lyon, uliopangwa kuchezwa Jumapili uwanja wa Azam Complex, umefutwa"

"Klabu ya Yanga inaomba radhi kwa wanachama, wapenzi na wadau wengine wote ambao wataathirika kwa namna moja au nyingine kutokana na kufutwa kwa mchezo huo," ilisema taarifa ya Yanga