Yanga leo imethibitisha kuachana na kiungo Carloh Carlinhos ambaye ameomba kuvunja mkataba wake kutokana na sababu za kifamilia
Carlinhos ameitumikia Yanga michezo isiyozidi 10 kwani muda mwingi amekaa nje akiuguza majeraha
Ni mmoja wa wachezaji ambao walitua Yanga na kuibua shamrashamra kubwa kwa mashabiki, kuondoka kwake mapema ni somo kwa Injinia Hersi Said na kamati ya usajili Yanga
Changamoto ya lugha na aina ya soka la Tanzania vimechangia yeye kuondoka mapema
Ni mchezaji mwenye kipaji kikubwa lakini amekuwa na wakati mgumu kwendana na mazingira ya soka letu
Ndio maana muda mwingi aliutumia akiuguza majeraha kwani haikuwa rahisi kwake kucheza mechi ngumu hasa zilizopigwa nje ya jiji la Dar es salaam
Mchezo wake wa mwisho ulikuwa wa FA dhidi ya Tanzania Prisons uliopigwa Sumbawanga na Yanga kushinda bao 1-0
Carlinhos alipata majeraha ambayo yalimuweka nje kwa takribani wiki tatu
Pengine ni wakati kamati ya usajili kuwatumia wakongwe waliopita zamani Yanga kufanya scouting ya wachezaji wanaotaka kusajiliwa
Usajili haupaswi kuwa uamuzi wa mtu mmoja, kila mdau atoe mapendekezo, iwepo timu ya kujiridhisha na waliopendekezwa kabla ya kusajiliwa
Sunday Manara, mmoja wa wakongwe walioacha alama kubwa Yanga, aliwahi kulalamika kuwa wachezaji wengi waliosajliwa wana uwezo wa kawaida
Wakongwe hawa wanaweza kuisaidia Yanga kusajili wachezaji ambao wataweza kumudu soka la Tanzania na pia kuisaidi timu
Unaweza kusema usajili wa Carlinhos umesababisha hasara kwani Yanga imetumia muda mwingi kumtibia kuliko muda ambao yeye alitumika uwanjani
