Leo Wenyeviti na Makatibu wa Matawi ya klabu ya Yanga nchi nzima, watakuwa Makao Makuu ya klabu hiyo Jangwani kushiriki Semina ya Mchakato wa Mabadiliko ya mfumo wa uwendeshaji
Juni 27 Yanga itafanya Mkutano Mkuu wa Mwaka, miongoni mwa ajenda zinazotarajiwa kujiri katika Mkutano huo ni Mabadiliko ya mfumo wa uendeshaji wa klabu
Huu ni Wakati kwa viongozi wa Matawi kupatiwa elimu ya muundo na mfumo wa uendeshaji ambao Yanga itaanza kuutumia baada ya michakato yote kukamilika
Baada ya kupatiwa Elimu, viongozi wa Matawi watakuwa na jukumu la kuwasilisha Elimu hiyo kwa Wanachama wa Yanga katika Matawi yao ili kuhakikisha Juni 27 wanafanya maamuzi sahihi
Kwa ufupi, kulingana na rasimu ya Mabadiliko iliyowasilishwa hivi karibuni kwa Mwenyekiti wa klabu ya Yanga Dk Mshindo Msolla baada ya mchakato wake kukamilika, Yanga imekusudia kubadili mfumo wake wa uendeshaji kutoka umiliki wa Wanachama kwa asilimia 100 na kuwa mfumo wenye mchanganyiko ambapo Wanachama watabaki na hisa asilimia 51 wakati hisa nyingine asilimia 49 zitauzwa kwa wawekezaji
Pia kutakuwa na Mabadiliko ya uongozi ambayo yatahitaji Katiba kufanyiwa marekebisho
Mfano, mfumo mpya utahitaji kuwa na Rais badala ya Mwenyekiti, Mtendaji Mkuu (CEO) badala ya Katibu Mkuu n.k
