Baada ya kushiriki Ligi Kuu kwa misimu sita mfululizo, Mwadui FC ya Shinyanga leo imeshuka rasmi daraja baada ya kupokea kichapo cha bao 1-0 kutoka kwa Prisons katika mechi iliyochezwa katika Uwanja wa Mwadui Complex
Bao la mshambuliaji Mohamed Mkopi katika dakika ya 82, lilitosha kuifanya Prisons kupata ushindi huo ambao umeiwezesha kufikisha pointi 40 zilizowasogeza hadi nafasi ya saba katika msimamo wa ligi na kuwashusha rasmi Mwadui waliopanda daraja mwaka 2015.
Kipigo hicho kimeifanya Mwadui FC ibakie na pointi zake 19 huku ikibakiza mechi nne kabla ya kumaliza msimu, ambazo hata ikishinda zote, itamaliza ikiwa na pointi 31 ambazo haziwezi kuisaidia kutoka katika kundi la timu nne za mwisho zitakazoshuka daraja.
Kati ya mechi nne ambazo Mwadui FC imebakiza, moja itacheza uwanja wa nyumbani na baada ya hapo itakuwa na mechi tatu za ugenini
Wiki ijayo Mwadui Fc itacheza na Yanga mchezo wa robo fainali kombe la Shirikisho la Azam
Pia mwezi ujao watasafiri jijini Dar es salaam kuikabili Yanga kwenye mchezo wa duru ya pili ligi kuu ya Vodacom
