Wananchi wanahesabu masaa kabla ya kushuka katika uwanja wa Majaliwa kuwakabili Namungo Fc katika mchezo wa ligi kuu ya Vodacom
Wakati msimu ukiwa unaelekea ukiongoni, nyakati hizi za lala salama ndio za kufungia mahesabu
Yanga inahitaji kushinda kila mchezo unaokuja mbele ili kuendelea kubaki kwenye mbio za ubingwa
Huu utakuwa mchezo wa tatu kwa kocha Nasreddine Nabi ambaye baada ya kupoteza mchezo wa kwanza dhidi ya Azam Fc, aliwavusha Wananchi robo fainali ya FA kwa ushindi dhidi ya Tanzania Prisons kule Sumbawanga
Kwa wachezaji wa Yanga mechi hizi ni muhimu kwao kwani GSM wameahidi kuwa msimu ukimalizika watafanya maboresho mengine
Nabi amepewa rungu la kuisuka upya Yanga, bila shaka michezo hii ya lala salama itampa mwanga wa wachezaji ambao atahitaji kuendelea nao
Tangu awasili mwezi uliopita, yapo maboresho ambayo yanaonekana katika kikosi chake
Leo Wananchi wanaweza kuendeleza pale walipoishia kwenye mchezo dhidi ya Prisons kule Sumbawanga
