Baada ya mchezo dhidi ya Simba 'kuota mbawa', Yanga inaanza maandalizi ya mchezo wa ligi kuu unaofuata ambapo Wananchi watasafiri mkoani Linda kuwafuata Namungo Fc katika mchezo utakaopigwa Jumamosi, May 15 katika uwanja wa Majaliwa
Baada ya mchezo huo, mabingwa hao wa kihistoria wataelekea mkoani Dodoma kuifuata JKT Tanzania katika mchezo mwingine wa ligi ambao utapigwa Jumatano ya May 19 katika uwanja wa Jamhuri
Mwishoni mwa mwezi huu ligi itasimama kwa takribani wiki mbili kupisha mechi za Kimataifa zilizo ndani ya kalenda ya FIFA
Wananchi watarejea tena dimbani Juni 19 kuikabili Ruvu Shooting katika mchezo utakaopigwa uwanja wa Benjamin Mkapa
Hizi ni mechi za lala salama kumaliza msimu, Yanga inahitaji alama tatu kutoka kila mchezo ili kubaki katika mbio za kuwania ubingwa
