Kocha wa zamani wa Yanga Luc Eymael amewaomba radhi mashabiki wa Yanga na wote walioumizwa na kauli zake za kibaguzi alizotoa baada ya mchezo wa mwisho wa kumaliza msimu 2019/20 dhidi ya Lipuli Fc
Eymael alitimuliwa na Yanga siku moja baada ya kutoa kauli hizo huku uongozi wa timu hiyo sambamba na Shirikisho la Mpira wa Miguu Tanzania (TFF) wakipeleka malalamiko FIFA kutokana na kauli hizo
Baadae Eymael alikata rufaa FIFA, alishinda rufaa hiyo lakini amekumbana na vikwazo vya kukosa ajira kutokana na kauli zake
Hivi karibuni alikuwa mbioni kujiunga na klabu ya Chippa United inayoshiriki ligi kuu ya Afrika Kusini, lakini mpango wa kuajiriwa na timu hiyo ulikwama baada ya Wananchi wa Afrika Kusini kupinga 'mbaguzi' wa rangi kuajiriwa nchini humo
Eymael amedai kuwa sauti yake ilieditiwa na mtu aliyefanya nae mazungumzo binafsi. Ameeleza kuwaomba radhi Wanayanga na yeyote aliyeumizwa na kauli zilizosikika
Hali imekuwa mbaya ndio anaomba radhi! Alipaswa kufanya hivi haraka baada ya 'audio' yake kuvuja
