Kiungo mshambuliaji wa Yanga Saido Ntibazonkiza amesema ushindi wa mabao 3-1 walioupata dhidi ya Gwambina Fc unazidi kuwapa imani kuwa wanaweza kufanya kitu msimu huu
Ntibazonkiza alifunga bao la tatu katika dakika za majeruhi na kuihakikishia Yanga alama tatu muhimu katika mchezo ambao walikumbana na upinzani mkali kutoka kwa Gwambina
"Ni ushindi muhimu kwetu, tulihitaji sana kupata matokeo haya, yametupa imani ya kuzidi kupambana. Tuzidi kupeana sapoti mashabiki na wanatimu wote tuone kama tunaweza kufanya kitu msimu huu" alisema Saido
Aidha nyota huyo wa Kimataifa wa Burundi amezungumzia tukio lililojitokeza uwanjani baina yake na Deus Kaseke baada ya mchezo kumalizika
"Sio jambo geni kujitokeza uwanjani, mambo kama haya hujitokeza lakini huwa yanaishia pale pale uwanjani. Nikuhakikishie wachezaji wote tuko sawa hakuna tatizo lolote, Kilichojitokeza uwanjani kilimalizika palepale," aliongeza Saido
