Taarifa za ujio wa kocha mpya wa Yanga Nasreddine Mohamed Nabi zilianza kuvuma tangu asubuhi ikielezwa ni suala la muda tu kocha huyo mwenye leseni ya UEFA daraja la kwanza atatua nchini na kutambulishwa kuwa Kocha Mkuu wa Yanga kuanzia msimu ujao
Inaelezwa kocha huyo atatua nchini akiwa na kocha msaidizi wake pamoja na Mtaalam wa viungo
Nabi ana umri wa miaka 56, amewahi kufundisha soka Libya (Al Ahly Benghazi), Sudan (Al Hilal, El Merrrikh) na hata Misri (Ismailly)
Amewahi pia kufundisha kule DR Congo klabu ya DC Motema Pembe na AC Leopards lakini pia amewahi kuwa kocha na Mkurugenzi wa Akademi ya klabu kubwa nchini Ubelgiji, RSC Anderletch
Amewahi kuwa bingwa wa ligi katika nchi tatu tofauti akiwa na AC Leopards ya Congo ( Brazaville ), DC Motema Pembe ya Congo DR na Al Hilal Omrduman ya Sudan
Kazi yake ya mwisho ilikuwa kuinoa klabu ya Al Merrikh akichukua nafasi iliyoachwa na Didier Gomes aliyetimkia Simba
Pamoja na ujio wa kocha mpya, imeelezwa kuwa Kocha Juma Mwambusi ataendelea na majukumu yake mpaka mwishoni mwa msimu
Nabi atakifanyia tathmini kikosi cha Yanga na kupendekeza maboresho ambayo atahitaji kuyafanya ili kuwa na kikosi imara msimu ujao
