Nyota watatu wa Yanga Mukoko Tomombe, Saido Ntibazonkiza na Haruna Niyonzima wanatarajia kujiunga na wenzao siku ya Alhamisi wiki hii baada ya kumaliza majukumu ya timu za Taifa
Ntibazonkiza na timu ya Taifa ya Burundi wanashuka uwanjani usiku wa leo nchini Morocco katika mchezo ambao matokeo ya ushindi yanaweza kuwahakikishia tiketi ya kushiriki michuano ya Afcon 2021
Niyonzima nae atakuwa dimbani nchini Cameroon kuiwakilisha Rwanda katika mchezo ambao ushindi utawapa Rwanda nafasi ya kucheza Afcon 2021
Mkuu wa Idara ya Habari na Mawasiliano, Hassan Bumbuli amesema nyota hao wanamalizia mechi leo, wameshawakatia tiketi na wataungana na wenzao Alhamisi
"Wachezaji waliokuwa katika kikosi cha timu ya Taifa ya Tanzania''Taifa Stars'' walishawasili tangu siku ya Jumatatu, wakati Saido Ntibazonkiza(Burundi), Tomombe Mukoko(Dr Congo) na Haruna Niyonzima (Rwanda) wataanza kuwasili siku ya Alhamis"
"Yote kwa yote timu yetu inaendela vyema na mazoezi chini ya kocha Juma Mwambusi, tupo kileleni lakini pia bado tunaendelea na mchakato wa kumpata kocha mpya pindi ambapo tutakamilisha tutawatangazia.'' alisema Bumbuli
