Timu ya Taifa ya Tanzania imeondoka Kenya kuelekea Guinea ya Ikweta ambako kesho Alhamisi inakabiliwa na mchezo wa kuwania tiketi ya kufuzu fainali za Afcon 2021 dhidi ya wenyeji wao
Kocha Kim Poulsen ameondoka na kikosi cha wachezaji 30 baadhi ya nyota wakienguliwa kutokana na sababu mbalimbali
Mshambuliaji Ditram Nchimbi alipata majeraha katika maandalizi ya mchezo huo nchini Kenya, hakujumuishwa katika kikosi
Beki Dickson Job ambaye alisajiliwa na Yanga katika usajili wa dirisha dogo akitokea klabu ya Mtibwa Sugar nae amebaki akiendelea kuimarisha 'fitnes' yake baada ya kuwa nje kwa zaidi ya wiki nane kutokana na majeruhi
Wachezaji wa Yanga waliojumuishwa katika kikosi hicho ni Metacha Mnata, Yassin Mustafa, Bakari Nondo, Feisal Salum, Farid Mussa na Deus Kaseke
Wachezaji wengine walioachwa katika msafara huo ni pamoja na Said Ndemla, Baraka Majogolo (majeruhi), Edward Manyama, Carlos Protas, Meshaki Mwamita, David Bryson na Hassan Kessy
