Kutokana na msiba mkubwa uliolikumba Taifa kwa kuondokewa na aliyekuwa Rais wa Jamhuri ya Muungano wa Tanzania Awamu ya Tano hayati Dk John Magufuli, Serikali ilitangaza siku 21 za maombolezo huku Shirikisho la Mpira wa Miguu Tanzania (TFF) likisitisha shughuli zote za michezo katika kipindi chote cha maombolezo
April 04 Yanga ilipaswa kuwa mkoani Rukwa kwa ajili ya mchezo wa kombe la Shirikisho la Azam (ASFC) dhidi ya Tanzania Prisons
Tarehe hiyo ipo ndani ya muda wa maombolezo tangu kifo cha Dk Magufuli kilichotokea Machi 17 kutokana na matatizo ya moyo
Yanga ilikuwa na mpango wa kuweka kambi Katavi kujiandaa na mchezo dhidi ya Prisons
Hata hivyo mapnago huo umesitishwa kutokana na msiba mkubwa uliolikumba Taifa
Afisa Habari wa Yanga Hassan Bumbuli amesema wanasubiri TFF itangaze ratiba mpya ili waweze kujipanga
Amesema kwa sasa shughuli zote zimesimama, Ijumaa timu itarejea kambini Avic Town kuendelea na mazoezi
