Baada ya kufungwa mabao 2-1 na Harambee Stars katika mchezo wa kwanza uliopigwa Jumatatu iliyopita, timu ya Taifa ya tanzania 'Taifa Stars' inashuka tena dimbani nchini Kenya kuikabili Harambee Stars katika mchezo mwingine wa kirafiki utakaopigwa uwanja wa Kasarani
Mchezo huo ni sehemu ya maandalizi kuelekea mechi za kuwania kufuzu fainali za Afcon zitakazopigwa mwishoni mwa mwezi huu
Aidha kufuatia kifo cha Rais wa Jamhuri ya Muungano wa Tanzania Mh Dk John Magufuli, kabla ya mchezo huo, wachezaji watasimama kwa dakika moja kuomboleza kifo cha Rais Magufuli
Rais wa Shirikisho la Soka nchini Kenya(FKF), Nick Mwendwa amethibitisha mchezo huo utachezwa kams ilivyopangwa, ukitanguliwa na dakika moja ya kuomboleza kifo cha Rais wa Tanzania, John Magufuli kilichotokea jana.
