Kocha Mpya Yanga kutua Julai

Inaelezwa Yanga imemaliza mchakato wa kumsaka kocha mpya ambapo jina la kocha wa timu ya Taifa ya Sudan, Hubert Velud ndiye mrithi wa Cedric Kaze

Idadi ya makocha waliokuwa wameomba kazi walikuwa zaidi ya 70, sifa na kigezo cha uzoefu wa kufundisha soka Afrika kilitumika kuwapunguza mpaka kufikia watatu

Velud aliyewahi kuzinoa klabu za TP Mazembe na Esperance ndiye aliyewavutia mabosi wa Yanga

Hata hivyo makubaliano ni kuwa kocha huyo atajiunga na Yanga mwezi Julai baada ya msimu kufikia tamati

Tayari Yanga imemtangaza kocha Juma Mwambusi kukiongoza kikosi mpaka mwishoni mwa msimu huku Velud akikifuatilia kikosi kwa ajili ya kufanya maboresho katika usajili wa dirisha kubwa