Stars dimbani dhidi ya Harambee Stars

Jioni ya leo timu ya Taifa ya Tanzania 'Taifa Stars', itashuka katika uwanja wa Nyayo nchini Kenya kuumana na Harambee Stars katika mchezo wa Kimataifa wa kirafiki

Kocha Mkuu wa Stars Kim Poulsen atatumia mchezo huu kukipima kikosi chake kabla ya mchezo wa kuwania kufuzu Afcon 2021 dhidi ya Guinea ya Ikweta

Poulsen aliyechukua mikoba ya Etienne Ndayiragije mwezi uliopita, ana jukumu la kuhakikisha anaipeleka Tanzania fainali za Afcon kwa mara ya tatu akibakisha michezo miwili dhidi ya Guinea ya Ikweta na Libya

March 18 Tanzania itacheza tena na Kenya katika mchezo mwingine ambao utapigwa uwanja wa Kasarani

Baada ya mchezo huo, Tanzania itaianza safari ya kuelekea Guinea ya Ikweta