Mgunda afunguka maandalizi ya kuikabili Mbeya City

Joel JJ By Joel JJ
β€’
1d ago
Mgunda afunguka maandalizi ya kuikabili Mbeya City

Kocha Mkuu wa Namungo FC, Juma Mgunda, amesema kikosi chake kimekamilisha maandalizi ya kuikabili Mbeya City katika mchezo wa Ligi Kuu ya NBC utakaopigwa kesho Ijumaa, Novemba 20, 2026, kuanzia saa 12:30 jioni.

Mgunda amesema anatambua ukubwa wa upinzani anaokwenda kukutana nao, lakini amewaandaa vijana wake kuhakikisha wanatumia vizuri nafasi ya kucheza nyumbani kupata pointi zote tatu.

Akizungumza kuelekea mchezo huo, kocha huyo amesema anatarajia ushindani mkubwa kutokana na kila timu kuwa na uhitaji wa pointi katika ligi hiyo.

“Tuna mchezo kesho tunacheza na ndugu zetu kutoka Mbeya, Mbeya City, kwa hiyo naamini utakuwa ni mchezo wenye ushindani kutokana na mahitaji yanayofanana kwa sababu kila timu inatafuta alama,” amesema Mgunda.

“Kwa kutambua hayo tunaenda kupambana ili kuhakikisha alama zote tatu zinabaki hapa nyumbani kwa Wana Kusini, Namungo FC.”

Mgunda ameongeza kuwa maandalizi ya kikosi chake yamekamilika, huku akiwa na matumaini makubwa ya kuona wachezaji wake wakitimiza majukumu yao ipasavyo na kuibuka na ushindi.

“Maandalizi ya kucheza na timu nzuri yamekamilika, na kubwa zaidi ni kuwaombea vijana, kesho wakatimize wajibu wao kwa sababu utakuwa ni mchezo wenye upinzani mkubwa sana.

“Hivyo tumewaandaa vijana kwa ajili ya kushinda, na kwa baraka za Mwenyezi Mungu tunaamini tutaibuka washindi,” amesema.

Aidha, Mgunda ametoa wito kwa mashabiki wa Namungo na wakazi wa Ruangwa kujitokeza kwa wingi uwanjani kutoa sapoti kwa kikosi hicho, akisisitiza umuhimu wao katika upatikanaji wa matokeo mazuri.

“Kwetu mashabiki wetu ni wachezaji wa 12, hivyo nachukua nafasi hii kuwaalika waje waungane na wachezaji ambao watakuwa ndani ya uwanja, hapo watakuwa wametimiza wajibu wao.

“Kwa mara nyingine niwaombe sana wana Ruangwa, wana Namungo waje kwa wingi kwa sababu ni sehemu ya matokeo ya timu yetu.”

More Stories

Singida Black Stars yaichapa Azam 4-2, Sowah atupia mabao mawili
Singida Black Stars yaichapa Azam 4-2, Sowah atupia mabao mawili
4h ago
READ MORE β†’
Shalulile, Toure waizamisha Polisi Tanzania, Yanga yashinda 2-0 Moshi
Shalulile, Toure waizamisha Polisi Tanzania, Yanga yashinda 2-0 Moshi
8h ago
READ MORE β†’
Highlights : Polisi Tanzania 0-2 Yanga, Ligi Kuu
Highlights : Polisi Tanzania 0-2 Yanga, Ligi Kuu
9h ago
READ MORE β†’
Spain kukutana na Ufaransa, England kukabiliana na Norway robo fainali Nations League
Spain kukutana na Ufaransa, England kukabiliana na Norway robo fainali Nations League
10h ago
READ MORE β†’
Ahmad Ally aitangazia vita Simba
Ahmad Ally aitangazia vita Simba
12h ago
READ MORE β†’
Barker afunguka maandalizi ya kuikabili JKT Tanzania
Barker afunguka maandalizi ya kuikabili JKT Tanzania
12h ago
READ MORE β†’
Mourinho aeleza msimamo wake kuhusu Vinicius Real Madrid
Mourinho aeleza msimamo wake kuhusu Vinicius Real Madrid
13h ago
READ MORE β†’
Walionufaika na waliopoteza wakati wa mapumziko ya mechi za kimataifa.
Walionufaika na waliopoteza wakati wa mapumziko ya mechi za kimataifa.
14h ago
READ MORE β†’
Real Madrid kuongeza mikataba ya Courtois na Valverde
Real Madrid kuongeza mikataba ya Courtois na Valverde
15h ago
READ MORE β†’
Ligi kuu ya NBC kuendelea leo: Yanga Moshi, Azam na Singida Bs kukutana Chamazi
Ligi kuu ya NBC kuendelea leo: Yanga Moshi, Azam na Singida Bs kukutana Chamazi
18h ago
READ MORE β†’