Kocha wa mipira ya kutengwa wa Young Africans SC, Kagisho, amesema kikosi hicho kipo tayari kwa mchezo wa Ligi Kuu Tanzania Bara dhidi ya Polisi Tanzania utakaochezwa kesho, Novemba 20, 2026, katika Uwanja wa Ushirika, Moshi.
Kagisho amesema maandalizi yaliyofanyika Zanzibar yamekuwa na manufaa, huku wachezaji wakionyesha mwitikio mzuri kwa kocha mpya na mbinu mpya za kiufundi zinazoanza kutumika ndani ya timu.
Ameongeza kuwa wachezaji wameonyesha utayari wa kujifunza na kuendana na mfumo mpya, huku wale waliokuwa kwenye majukumu ya timu za taifa wakijiunga na kikosi kuanzia jana. Yanga inatarajia kufanya mazoezi mengine leo kukamilisha maandalizi ya mchezo huo.
Akizungumzia wapinzani wao, Kagisho amesema Polisi Tanzania si timu rahisi, hasa ikizingatiwa kuwa imetoka kupata ushindi dhidi ya Kagera na hivyo kuwa na hamasa ya kuendeleza matokeo mazuri.
Hata hivyo, amesema anaamini wachezaji wa Yanga wanafahamu wajibu wao na umuhimu wa kupata alama zote tatu katika mchezo huo ili kupunguza tofauti ya pointi kati yao na wapinzani wao.