Mashabiki wa soka wanatarajia burudani nyingine ya kimataifa leo kupitia michezo kadhaa mikubwa itakayopigwa katika ratiba ya usiku, huku macho mengi yakielekezwa kwenye pambano la Spain dhidi ya England.
Mechi nyingine zitakazopigwa ni Belgium dhidi ya Italy, France dhidi ya Turkey pamoja na Croatia dhidi ya Czechia, zote zikitarajiwa kuanza saa 22:45 kwa saa za Afrika Mashariki.
Hata hivyo, mchezo unaovuta hisia zaidi ni kati ya Spain na England utakaopigwa katika uwanja wa Riyadh Air Metropolitano, ambapo wababe hao wawili watakutana katika pambano linalotarajiwa kuwa na ushindani mkubwa.
Spain itakuwa na mastaa wake akiwemo Lamine Yamal, Pedri na Fermin Lopez, huku England ikitegemea ubora wa Harry Kane, Jude Bellingham na Morgan Rogers. Ni pambano litakalowakutanisha mastaa wenye uwezo mkubwa wa kubadilisha matokeo wakati wowote.