Mashabiki wa soka wanatarajia burudani nyingine leo kupitia michezo mbalimbali ya Ligi Kuu England (EPL) na La Liga, huku macho mengi yakielekezwa kwenye pambano la Atletico Madrid dhidi ya Barcelona nchini Hispania.
Katika EPL, michezo mitano inatarajiwa kuchezwa. Brighton itakuwa mwenyeji wa Brentford, Crystal Palace itakutana na Liverpool maarufu kama Majogoo wa Jiji, Ipswich Town itapambana na Bournemouth, huku Sunderland ikiikaribisha Chelsea. Mechi zote hizo zitapigwa saa 17:00 kwa saa za Afrika Mashariki.
Mchezo mwingine utakaofunga ratiba ya EPL ni kati ya Manchester United na Aston Villa, utakaochezwa saa 19:30.
La Liga: Atletico Madrid vs Barcelona
Nchini Hispania, Atletico Madrid itakuwa mwenyeji wa Barcelona katika mchezo unaotarajiwa kuwa na ushindani mkubwa kutokana na ushindani wa nafasi za juu kwenye msimamo wa ligi hiyo.
Barcelona inaingia kwenye mchezo huo ikiwa kileleni mwa msimamo, huku Atletico Madrid ikishika nafasi ya tatu. Real Madrid tayari imeongeza presha baada ya kupata ushindi ugenini dhidi ya Valencia, hivyo matokeo ya pambano hilo yanaweza kuwa na umuhimu mkubwa katika mbio za ubingwa.
Atletico Madrid inaingia kwenye mchezo huo ikiwa katika kiwango kizuri baada ya kushinda mechi zake saba za mwisho za La Liga, huku Barcelona nayo ikiwa imeanza kurejea kwenye ubora wake. Hali hiyo inaifanya mechi hii kuwa miongoni mwa michezo inayosubiriwa kwa hamu kubwa leo.
