Orlando Pirates imeibuka na ushindi muhimu wa mabao 2-1 dhidi ya wapinzani wao wa jadi Kaizer Chiefs katika mchezo mkali wa dabi ya Soweto.
Mabao ya Yanela Mbuthuma na Tshepo Moremi yaliipa Orlando Pirates ushindi huo, huku Pule Mmodi akiifungia Kaizer Chiefs bao la kufutia machozi.
Kiwango kilichoonyeshwa na Orlando Pirates katika mchezo huo ni ishara ya uwezo mkubwa wa kikosi hicho, ambacho kimeonekana kuwa katika hali nzuri ya ushindani.
Jambo linaloongeza uzito wa ushindi huo ni kwamba Orlando Pirates ipo kundi moja na Simba SC ya Tanzania katika michuano ya CAF Champions League. Hivyo, kiwango hicho kinaweza kuwa changamoto kubwa kwa Simba katika safari yake ya kusaka mafanikio kwenye mashindano hayo.
Simba italazimika kujiandaa vizuri kukabiliana na Orlando Pirates, ambayo kupitia ushindi huu imeonyesha kuwa si timu ya kubezwa. Mashindano hayo yanatarajiwa kuwa na ushindani mkubwa, hasa kwa timu hizo mbili zinazokutana kwenye kundi moja.
