Dolores Aveiro, mama wa Cristiano Ronaldo, amekiri kulia baada ya mwanawe kuondoka kwenye kambi ya timu ya taifa ya Portugal, akieleza namna alivyopokea taarifa hiyo na kumtia moyo nyota huyo katika kipindi kigumu anachopitia.
Akizungumza na chombo cha habari cha TV 7 Dias, Dolores amesema baada ya Ronaldo kuondoka kambini, alimpigia simu mwanae ili kujua hali yake. Kwa mujibu wake, Ronaldo alimwambia asihofu kwa sababu angeeleza ukweli wa kilichotokea pale wote watakapokuwa pamoja. Mama huyo amesema alimjibu mwanawe kwa kumtaka apitie hali hiyo kwa utulivu.
Dolores ameeleza kuwa alijaribu kumtia moyo Ronaldo na kumpa nguvu ili aweze kukabiliana na changamoto hiyo, lakini hatimaye mwanawe alifanya uamuzi wake mwenyewe. Amesema licha ya jitihada zake za kumtuliza, hakuweza kubadilisha uamuzi huo.
Katika kauli yake, mama huyo amesisitiza kuwa Ronaldo ameitumikia Portugal kwa kiwango kikubwa na ataendelea kuwa tayari kwa ajili ya nchi yake. Hata hivyo, amedai kuwa mwanawe hajapewa utambuzi anaostahili, licha ya mchango wake mkubwa katika soka la timu ya taifa.
Kauli hiyo imeongeza hisia katika mjadala unaoendelea kuhusu Ronaldo, baada ya mvutano unaohusishwa na kocha Jorge Jesus na uamuzi wa nyota huyo kuondoka kambini mwa Portugal. Hata hivyo, kauli za Dolores zinaeleza zaidi namna familia yake ilivyopokea tukio hilo, huku Ronaldo mwenyewe akisema yuko tayari kuendelea kuitumikia timu ya taifa baada ya kutekeleza adhabu yoyote atakayopewa.
