Salmin Kassim aonyesha moto wa ngumi, aangusha KO kali dhidi ya Raquinel

Bondia wa Tanzania, Salmin Kassim, ameendelea kuonyesha ubora wake ulingoni baada ya kutoa kipigo cha kuvutia dhidi ya Jayr Raquinel wa Philippines katika pambano lililofanyika jana kwenye Vitasa Expensive Fight, Golden Tulip, Dar es Salaam.

Kassim alionyesha uwezo mkubwa katika pambano hilo, huku akitawala mapambano na hatimaye kumaliza kazi kwa Knockout (KO), jambo lililoibua shangwe kubwa kwa mashabiki waliohudhuria.

Ushindi huo umeongeza gumzo kuhusu uwezo wa Salmin Kassim, ambaye ameendelea kujenga jina lake katika mchezo wa ngumi kwa kuonyesha nguvu, kasi na umakini mkubwa ndani ya ulingo.