Kocha Mkuu wa Yanga SC, Manqoba Mngqithi, amesema kikosi chake kimejiandaa kikamilifu kwa ajili ya mchezo dhidi ya Pamba Jiji FC utakaochezwa kesho katika Ligi Kuu ya NBC.
Mngqithi amesema wanaifahamu vizuri Pamba Jiji na ubora wake, hasa katika safu ya ulinzi ambayo ameielezea kuwa yenye nidhamu kubwa. Kutokana na hilo, amesema Yanga imefanya maandalizi maalum ili kuhakikisha inapata matokeo mazuri katika mchezo huo.
Kocha huyo pia amesema amefanya uchambuzi wa kina wa kikosi cha Pamba Jiji na kubaini maeneo ambayo Yanga inapaswa kuwa makini. Miongoni mwa wachezaji aliowataja ni kiungo mshambuliaji Karabaka, ambaye amesema ana uwezo mkubwa na anahitaji uangalizi wa karibu.
Yanga itaingia katika mchezo huo ikiwa na lengo la kuendeleza mwenendo mzuri wa msimu, huku Mngqithi akitarajiwa kutumia maandalizi hayo kuhakikisha timu yake inapata alama muhimu mbele ya Pamba Jiji.
