Hatua ya nusu fainali ya Kombe la Shirikisho la CRDB imewadia huku timu nne zikisaka nafasi ya kutinga fainali ya mashindano hayo.
Pambano la kwanza litapigwa Jumamosi katika Uwanja wa Sheikh Amri Abeid, Arusha, ambapo Simba SC itavaana na Coastal Union kuwania tiketi ya kwenda fainali.
Macho ya wengi yataelekezwa jijini Mwanza Jumapili katika Uwanja wa CCM Kirumba, ambapo Azam FC itakuwa na kibarua kizito dhidi ya Yanga SC katika mchezo unaotarajiwa kuwa na ushindani mkubwa kutokana na ubora wa timu hizo mbili.
Timu zitakazofanikiwa kushinda mechi zao zitakutana fainali kuwania taji la CRDB Federation Cup na nafasi ya kuiwakilisha Tanzania katika michuano ya kimataifa msimu ujao.
Mashabiki wa soka nchini wanatarajia wikendi yenye ushindani mkali, burudani na vita ya kutafuta tiketi ya fainali.
