Soko la uhamisho barani Ulaya linaendelea kupata joto kuelekea dirisha la majira ya kiangazi 2026, huku klabu kubwa zinasaka nyota wapya na kuboresha vikosi vyao. Hizi ni baadhi ya tetesi muhimu zilizosambaa leo.
Juventus waongeza kasi kwa Bernardo Silva
Corriere dello Sport linaripoti kuwa Juventus wamepanga kuongeza juhudi kumsajili kiungo mshambuliaji wa Ureno, Bernardo Silva, ambaye anatarajiwa kuondoka Manchester City msimu huu wa joto.
Juventus wameripotiwa kuhitaji kumpiku Atletico Madrid pamoja na FC Barcelona, ambao nao wana nia ya kumsajili nyota huyo mwenye umri wa miaka 31.
Barcelona wamfuatilia João Pedro
Daily Mail inasema mkurugenzi wa michezo wa FC Barcelona, Deco, alitarajiwa kuwepo kwenye fainali ya Kombe la FA kumtazama mshambuliaji wa Chelsea, João Pedro.
Hata hivyo, Chelsea hawana mpango wa kumuuza mchezaji huyo wa kimataifa wa Brazil mwenye umri wa miaka 24.
Coventry City wafikiria Wijnaldum
Football Insider inaripoti kuwa Coventry City wanamfikiria kiungo mkongwe Georginio Wijnaldum, ambaye mkataba wake na Al-Ettifaq unatarajiwa kumalizika msimu huu wa joto.
Everton wamuweka jicho Loum Tchaouna
Kwa mujibu wa Football Insider, Everton wanamfuatilia winga kijana Loum Tchaouna wa Burnley, ambaye pia ameichezea Ufaransa timu ya vijana chini ya miaka 21.
Wilfried Gnonto aweza kuondoka Leeds
Sky Sports (Ujerumani) linaripoti kuwa SC Freiburg wanamuwania mshambuliaji wa Leeds United, Wilfried Gnonto.
Leeds wako tayari kumuuza au kumtoa kwa mkopo mchezaji huyo wa kimataifa wa Italia mwenye umri wa miaka 22.
Barcelona bado kumtaka Bastoni
Gazzetta dello Sport linasema beki wa Inter Milan, Alessandro Bastoni, bado anahusishwa na FC Barcelona.
Hata hivyo, Bastoni angependa kubaki Inter ikiwa uhamisho huo hautafanikiwa.
Juventus na Douglas Luiz
Kulingana na Gazzetta dello Sport, Juventus wanaweza kumpa nafasi nyingine kiungo wa Brazil Douglas Luiz, ambaye kwa sasa yupo kwa mkopo Aston Villa.
Bayern Munich na De Ketelaere
Football Italia inaripoti kuwa Bayern Munich wanamwangalia mshambuliaji wa Ubelgiji Charles De Ketelaere kama mbadala iwapo dili la Anthony Gordon wa Newcastle United litakwama.
