Klabu ya Manchester United bado haijaanza mawasiliano rasmi na makocha wowote wanaotarajiwa kuchukua nafasi ya ukocha wa kudumu kuelekea dirisha la majira ya kiangazi, huku uongozi wa juu wa klabu hiyo ukisisitiza kuwa hautafanya maamuzi ya haraka katika mchakato huo nyeti.
Kwa mujibu wa taarifa kutoka Sky Sports, mabosi wa Manchester United wanachukua tahadhari kubwa kuhakikisha wanapata chaguo sahihi kwa ajili ya mustakabali wa timu, badala ya kukimbilia kufanya uteuzi ambao unaweza kuleta athari za muda mrefu.
Aidha, ripoti hiyo inaeleza kuwa iwapo Manchester United itafanikiwa kufuzu kushiriki michuano ya UEFA Champions League mwishoni mwa msimu huu, itakuwa vigumu kwa viongozi wa klabu hiyo kupuuza uwezekano wa kumpa nafasi Michael Carrick kuendelea kama Kocha Mkuu.
Carrick, ambaye amewahi kuitumikia Manchester United kama mchezaji na pia kuwa sehemu ya benchi la ufundi, anaonekana kuwa chaguo linaloweza kupewa kipaumbele endapo timu itaonyesha mafanikio makubwa chini ya uongozi wake wa muda.
(Chanzo;Sky sport)
