Michuano ya UEFA Champions League iliendelea kwa michezo ya hatua ya 16 bora (Round of 16) – mkondo wa kwanza iliyochezwa Jumatano usiku, Machi 11, 2026, ambapo kulishuhudiwa ushindi mkubwa wa Real Madrid na Paris SaintGermain F.C.huku timu nyingine zikigawana pointi.
Jumla ya mechi nne zilichezwa usiku huo katika viwanja tofauti barani Ulaya na kutoa matokeo yafuatayo;
Real Madrid 3–0 Manchester City
Katika dimba la Santiago Bernabéu, Real Madrid waliweka hatua moja mbele kuelekea robo fainali baada ya kuifunga Manchester City F.C. kwa mabao 3-0.
Nyota wa mchezo alikuwa kiungo wa Uruguay Federico Valverde aliyefunga hat-trick ya kipindi cha kwanza katika dakika ya 20, 27 na 42 na kuwapa Madrid ushindi mkubwa katika mkondo wa kwanza wa hatua hiyo.
Matokeo hayo yanaifanya Manchester City kukabiliwa na kazi ngumu katika mchezo wa marudiano.
PSG 5–2 Chelsea
Katika dimba la Parc des Princes, Paris SaintGermain F.C. waliibuka na ushindi mkubwa wa 5-2 dhidi ya Chelsea F.C..
PSG waliongeza kasi katika dakika za mwisho za mchezo na kufunga mabao kadhaa yaliyowapa ushindi mkubwa na kujiweka katika nafasi nzuri ya kufuzu robo fainali kabla ya mechi ya pili.
Bodo/Glimt 3–0 Sporting CP
Timu ya Norway, FK Bodø/Glimt iliandika historia kwa ushindi wa 3-0 dhidi ya Sporting CP katika dimba la Aspmyra.
Ushindi huo uliwashangaza wengi kwani Bodø/Glimt walitumia vyema faida ya kucheza nyumbani na kuweka matumaini makubwa ya kufuzu robo fainali.
Bayer Leverkusen 1–1 Arsenal
Katika mchezo mwingine uliochezwa nchini Ujerumani, Bayer 04 Leverkusen walilazimishwa sare ya 1-1 na Arsenal F.C..
Leverkusen walitangulia kufunga kupitia Robert Andrich, lakini Arsenal walisawazisha mwishoni mwa mchezo kupitia penalti ya Kai Havertz katika dakika za mwisho.
Mbio za Robo Fainali Zaanza Kuchukua Mwelekeo
Matokeo ya michezo hiyo ya mkondo wa kwanza yanaweka presha kwa baadhi ya timu kabla ya michezo ya marudiano wiki inayofuata.
Timu kama Real Madrid na PSG zimejiweka katika nafasi nzuri ya kufuzu hatua ya robo fainali, huku Manchester City, Chelsea na Sporting zikilazimika kufanya kazi kubwa katika michezo ya pili ili kurejea kwenye ushindani wa kuwania kombe hilo kubwa la klabu barani Ulaya.
