Klabu ya Singida Black Stars imetangaza kumuajiri kocha Hamdi Miloud mwenye Uraia wa nchi mbili za Ufaransa na Algeria
Miloud anatua kurithi mikoba ya Patrick Aussems ambaye kibarua chake kilisitishwa na timu hiyo baada ya mfululizo wa matokeo mabaya
Taarifa iliyotolewa na Singida BS jana imethibitisha maamuzi hayo'
"Tunapenda kumtambulisha Kocha Mkuu mpya wa Kikosi chetu, Kocha Hamdi Miloud mwenye Uraia wa nchi mbili za Ufaransa na Algeria"
"Kocha Hamdi atasaidiwa na Makocha Wasaidizi wawili; Kocha Nassim Anisse na Kocha David Ouma, katika kukinoa kikosi chetu kuanzia timu itakaporejea kutoka mapumzikoni Januari, 2025"
"Aliyekuwa Kaimu Kocha Mkuu, Ramadhani Nsanzurwimo, amerejea kwenye majukumu yake kama Mkurugenzi wa Ufundi. Kocha Hamdi ana rekodi nzuri ya kufika Hatua ya Fainali katika Michuano ya Ligi ya Mabingwa Afrika (CAF Champions League - Finals), Robo Fainali mara mbili Ligi ya Mabingwa Afrika (CAF CL Quarter Finals) na Robo Fainali ya Kombe la Shirikisho Afrika (CAF CC Quarter Finals)"
"Vilevile, Kocha Hamdi ana uzoefu mkubwa na Soka la Afrika kwa kuzinoa klabu mbalimbali kwa mafanikio makubwa barani Afrika zikiwemo USM Alger na JS Kabylie za Algeria, Al- Salmiya ya Kuwait, TP Mazembe ya Congo, Athletico Marseille na ES Vitrolles za Ufaransa na Al- Ettifaq FC ya Saudia Arabia"
