Manchester United wameambiwa kuwa Sporting huenda hawana budi ila kumuuza mshambuliaji wa Uswidi Viktor Gyokeres, 26, lakini sio katika dirisha la uhamisho la Januari. (Mirror)
Manchester United wanajaribu kupata mkataba wa kumnunua winga wa Sporting mwenye umri wa miaka 17 Mreno Geovany Quenda. (A Bola - kwa Kireno)
Barcelona wanafikiria kumpa kipa Wojciech Szczesny, 34, mkataba mpya wiki chache baada ya raia huyo wa Poland kujiunga na klabu hiyo. (Marca kwa Kihispania)
Mkufunzi wa Aston Villa Unai Emery anaweza kuamua kumuuza mlinzi wa Brazil Diego Carlos mwenye umri wa miaka 31 mwezi Januari. (Football Insider)
Winga wa Brazil Neymar anatazamiwa kurejea Santos huku klabu yake ya Saudi Arabia Al-Hilal ikifadhaishwa na matatizo ya jeraha ya mchezaji huyo mwenye umri wa miaka 32. (Cesar Luis Merlo)
Kiungo wa kati wa Benfica na Uturuki Orkun Kokcu, 23, amesifu athari ambayo meneja wa Liverpool Arne Slot amekuwa nayo kwenye maisha yake ya soka huku kukiwa na uwezekano wa kuhamia Anfield. (Liverpool Echo)
Fulham wameingia kwenye kinyang'anyiro cha kumsajili mshambuliaji wa kimataifa wa Brazil Igor Jesus, 23, kutoka Botafogo . (TBR Football)
Tottenham Hotspur wanaangalia uwezekano wa kumsajili tena kiungo wa kati wa Uingereza Harry Winks, 28, baada ya kumuuza kwa Leicester mwaka jana. (Fichajes - kwa Kihispania) Arsenal bado wanafuatilia hali ya mshambuliaji wa Serbia Dusan Vlahovic mwenye umri wa miaka 24 katika klabu ya Juventus . (Rudy Galetti)
Crystal Palace wana nia ya kusajili mshambuliaji wakati wa uhamisho wa Januari lakini wana bajeti ndogo tu. (NipeSport) Mshambuliaji wa Georgia Khvicha Kvaratskhelia, 23, anaweza kuondoka Napoli kwa vile mazungumzo yake ya kandarasi yamekwama huku Barcelona na Paris St-Germain wakimtaka . (Goal)
Hakuna mpango wa Paul Pogba kufanya mazoezi katika klabu ya Manchester United baada ya kiungo huyo wa kati wa Ufaransa mwenye umri wa miaka 31 kuondoka Juventus . (Talksport)
Frank Lampard anatarajiwa kuwa miongoni mwa wagombea watano ambao Coventry City watazungumza nao kuhusu kibarua chao cha meneja kilicho wazi. (Telegraph - usajili unahitajika)
West Ham na Southampton zote zinawawinda mapacha Cole na Dylan Williams wenye umri wa miaka 16 huku kiungo hao wa Uskoti kwa sasa wakiwa Airdrie . (Sun)
BBC
