Msemaji wa Singida Black Stars Hussein Massanza amesema timu hiyo imejipanga kushinda mchezo wa ligi kuu dhidi ya Yanga ambao utapigwa Jumatano, Oktoba 30 katika uwanja wa New Amaan Complex, Zanzibar
Massanza amesema wamezisikia tambo za wapinzani wao Yanga kuelekea mchezo huo lakini wanawatahadharisha hawapaswi kwenda Zanzibar na matokeo mfukoni
"Nawakumbusha wapinzani wetu Yanga wasijiamini kupitiliza wakaona mechi hii ni mechi ya kawaida, hatuongozi ligi kwa bahati mbaya"
"Nimesikia maneno ya msemaji wa Yanga mara kwa mara anazungumza kama anakuja kucheza na timu ya mtaani tu, achunge sana kauli zake"
"Pia mashabiki wasije na matokeo yao mfukoni, huu ni mpira wa miguu, kama kuna mtu anaenda kuweka bondi nyumba, mke au biashara yake kwamba Singida Black Stars lazima tufungwe basi awe tayari kwa lolote"
"Tunafahamu tunaenda kucheza mechi ngumu na tutawaheshimu Yanga lakini tunao uwezo wa kupambana hadi tone la mwisho"
"Viingilio vya mechi tumeshatangaza ni shilingi 5000 (Jukwaa la Saa/Orbit) 10,000 (Jukwaa la Urusi) 15,000 (Wings) na 20,000 (VIP)"
"Hii ni mechi inayokutanisha timu mbili ambazo hazijapoteza mchezo hata mmoja kwahiyo watu wasitegemee itakuwa mechi rahisi au mechi ya upande mmoja. Msimu huu tumeshasema inawezekana na tunamaanisha," alitamba Massanza
