Mshambulizi wa zamani wa Italia Mario Balotelli, 34, anakaribia kujiunga na Genoa ya Serie A kama mchezaji huru. (Sky Italy)
West Ham wanaweza kumnunua beki wa kushoto wa Uingereza Ben Chilwell, 27 kutoka Chelsea mwezi Januari. (Inside Track podcast, via Team talk)
Crystal Palace wanasitasita kuanzisha tena mazungumzo na Newcastle United kuhusu mlinzi wa Uingereza Marc Guehi, 24, wakati wa dirisha la usajili mwezi Januari. (Football Insider)
Juventus wako tayari kufanya mazungumzo mapya na Udinese kuhusu mpango wa kumsajili mshambuliaji wa Italia Lorenzo Lucca, 24. (Rudy Galetti)
Barcelona wanaamini kwamba mkataba mpya na winga wa Brazil Raphinha utafanyika. Mkataba wa sasa wa mchezaji huyo mwenye umri wa miaka 27 utaendelea hadi 2027. (Diario Sport - in Spanish)
Wakati huo huo, majadiliano kuhusu mkataba mpya kati ya kiungo wa kati wa Barca na Uhispania Pedri, 21, yanaendelea vyema. (Fabrizio Romano)
Barcelona wana nia ya kumsajili mlinda mlango wa Porto wa Ureno Diogo Costa, 25, ambaye pia anasakwa na Manchester City, lakini kitita cha kumsajili kichoongezeka hadi euro 45m (£37.5m) inafanya dili kuwa gumu. (Sport - in Spanish)
Fowadi wa Ghana Antoine Semenyo alitia saini kuongeza mkataba wake msimu wa joto lakini vilabu kama Newcastle na Tottenham vinavyomwinda huenda vikaona ofa ya Bournemouth kwa mchezaji huyo wa miaka 24 kama mpango mwingine wa kumbakisha katika klabu hiyo. (Football Insider)
BBC
