Kocha Mkuu wa Simba Fadlu Davids amesema anatambua ugumu wa mchezo wa ligi kuu dhidi ya Tanzania Prisons utakaopigwa kesho Jumanne katika uwanja wa Sokoine
Katika Mkutano na waandishi wa habari kuelekea mchezo huo, Fadlu alisema wanapaswa kushinda mchezo huo
Kocha huyo raia wa Afrika Kusini amesema takwimu zinaonyesha Prisons ni wagumu wanapocheza na Simba nyumbani, wamejipanga kupindua matokeo hayo na kuondoka na alama tatu
"Tunawaheshimu Prisons, wana timu nzuri. Matokeo yanaonyesha sio rahisi kuwafunga hasa wanapocheza katika uwanja wao wa nyumbani"
"Lakini sisi tumekuja hapa tukitambua hilo na tuna kazi ya kufanya. Kazi hiyo ni kuchukua alama tatu"
"Hii ni mechi ambayo tunatakiwa kuibuka na ushindi," alisema Fadlu
Nae nahodha wa Simba Mohammed Hussein 'Zimbwe Jr' amesema wachezaji wako tayari kwa mchezo huo mgumu, watapambana kuhakikisha wanashinda
"Kesho tutakuwa na mchezo mgumu dhidi ya Prisons na hasa tukiwa hapa Mbeya. Tumejiandaa vizuri kwenda kufanya vizuri. Tumefuata alama tatu hapa Mbeya," alisema
