Manchester United wamemuuliza mshambuliaji wa RB Leipzig na timu ya taifa ya Ujerumani Timo Werner na huenda wakamnunua mchezaji huyo mwenye umri wa miaka 27mwezi Januari mwakani. (Sky Sports Germany)
Arsenal wanapanga kumnunua kiungo wa kati wa Aston Villa na Mbrazili Douglas Luiz, 25, Januari, huku mustakabali wa kiungo wa Ghana Thomas Partey, 30, The Gunners haujulikani. (ESPN)
Juventus wanatathmini uwezekano wa kumnunua Partey, na huenda wakasaidia kufadhili ofa ya Arsenal kumnunua Douglas Luiz. (Mirror)
Manchester City na Liverpool pia wanamtaka Luiz, 25, na wanatazamiwa kushindana na Arsenal kuwania saini yake. (90 min)
Chelsea wanapanga sera ya kusajili mchezaji mmoja ndani, mmoja nje ambayo inaweza kuwafanya wachezaji kadhaa kuondoka ili kutoa nafasi kwa wachezaji wapya. (Telegraph - usajili unahitajika)
Wachezaji wawili ambao wanaweza kuondoka The Blues ni beki wa Brazil Thiago Silva, 39, ambaye kandarasi yake inatamatika msimu ujao, na mlinzi wa Uingereza wa chini ya miaka-21 Trevoh Chalobah, 24, ambaye anauzwa. (Standard)
Manchester United wamemfanya mlinzi wa safu ya kati wa Crystal Palace wa Uingereza Marc Guehi, 23, kuwa lengo lao kuelekea uhamisho wa Januari. (Football Insider)
Manchester City na Arsenal ni miongoni mwa klabu zinazovutiwa na mshambuliaji wa AC Milan wa Italia, Francesco Camarda, 15. (Tuttosport - usajili unahitajika, kwa Kiitaliano)
Tottenham na Arsenal ni miongoni mwa vilabu vinavyomtaka mshambuliaji wa Feyenoord wa Mexico, Santiago Gimenez, 22. (L'Equipe - kwa Kifaransa)
Wasaka vipaji wa klabu kadhaa za Ligi ya Premia wamekuwa wakifuatilia uchezaji wa mshambuliaji wa Uingereza Mason Greenwood mwenye umri wa miaka 22 huko Getafe. (AS - kwa Kihispania)
Newcastle wanaweza kumnunua kwa mkopo mshambuliaji wa Paris St-Germain Mfaransa Hugo Ekitike, 21, mwezi Januari. (Caught offside)
Manchester City na Arsenal wametuma wasaka vipaji wao kumtazama kiungo wa FC Copenhagen raia wa Denmark, Tristan Aldcroft Panduro, 15. (Mail)
Winga wa Newcastle Muingereza Jacob Murphy, 28, ananyatiwa na Crystal Palace na Nottingham Forest kabla ya dirisha la usajili la Januari. (Football Insider)
Mmiliki wa Forest Evangelos Marinakis anazidi kufadhaishwa na kushindwa kwa klabu hiyo kuteua mtaalamu, jambo ambalo limesababisha shinikizo mpya kwa meneja Steve Cooper. (Telegraph - usajili unahitajika)
Bayern Munich wanavutiwa na mchezaji wa Barcelona Ronald Araujo, 24, lakini klabu hiyo ya Uhispania inataka kumbakisha beki huyo wa Uruguay. (Sky Sports Germany)
BBC
