Klabu ya Ngome Fc kutoka visiwani Zanzibar imekana kucheza mechi ya kirafiki dhidi ya Simba leo
Mapema leo Simba ilitangaza kucheza mechi ya kirafiki dhidi ya Ngome Fc na kuibuka na ushindi wa mabao 6-0 katika mchezo uliopigwa uwanja wa Mo Simba Arena
Taarifa iliyotolewa na timu hiyo kupitia kurasa za mitandao ya kijamii, iliitaka klabu ya Simba kuthibitisha kama walicheza mechi hiyo au kurekebisha taarifa waliyotoa mapema siku ya Jumamosi
Hata hivyo klabu ya Simba ilisahihisha na kubainisha kuwa ilicheza mechi ya kirafiki dhidi ya Ngome Fc ya jijini Dar es salaam
Simba iliibuka na ushindi wa mabao 6-0 katika mchezo huo, mabao yakifungwa na Jean Baleke aliyefunga mawili, Shomari Kapombe, Aubin Kramo,, Willy Onana na Shabani Idd Chilunda
Huo ulikuwa mchezo wa mwisho wa kirafiki kwa Simba kabla ya kuelekea Zambia wanakokabiliwa na mchezo wa ligi ya mabingwa kuwania tiketi ya kutinga hatua ya makundi dhidi ya Power Dynamos utakaopigwa Septemba 16 huko Zambia
