Mshambulizi wa Real Madrid Karim Benzema anafikiria kuihama timu hiyo baada ya kupata ofa ya mkataba wa miaka miwili yenye thamani ya euro 400m (£346m) kutoka Saudi Arabia kwa ajili ya kumnunua Mfaransa huyo, 35. (ESPN).
Arsenal hawana nia ya kumuuza Emile Smith Rowe, 22, msimu huu wa joto na wanamatumaini kuwa mshambuliaji huyo wa England ambaye amekuwa akikumbwa na majeraha ya mara kwa mara atarejea atapona na kuwa tayari mashindano ya Ulaya ya Vijana chini ya miaka 21, (Athletic).
Meneja anayesakwa na Tottenham Hotspur, Luis Enrique yuko kwenye mazungumzo na mabingwa wa Serie A, Napoli. Hata hivyo, meneja huyo wa zamani wa Hispania na Barcelona ana nia ya kujiunga na timu ya ligi kuu England. (Guardian)
Tottenham na Newcastle zinapigana vikumbo kupata saini ya kiungo wa Leicester James Maddison, 26, na winga Harvey Barnes, 25, huku wachezaji hao wa kimataifa wa England wakiwa na thamani ya takriban pauni milioni 40. (Sun)
Makubaliano kati ya meneja wa Brighton Roberto de Zerbi na Moises Caicedo yatamfanya kiungo huyo wa kati wa Ecuador mwenye umri wa miaka 21 kuondoka Seagulls msimu huu wa joto. Kwa sasa ni mbio za vilabu vitatu vinavyomtaka Chelsea wakiongoza. (Fabrizio Romano)
Manchester City na Arsenal zinamfuatilia mshambuliaji wa Leeds United na Italia Wilfried Gnonto, 19. (Calciomercato)
Manchester United haitamsajili mshambuliaji wa Uholanzi Wout Weghorst, 30, wala kiungo wa kati wa Austria Marcel Sabitzer, 29, kwa mikataba ya kudumu, walikuwa United msimu uliomalizika wakitoea kwneye klavbu zao za Burnley na Bayern Munich. (Mail)
Beki wa kulia wa Real Valladolid, Mhispania Ivan Fresneda, 18, amepokea ofa nono kutoka kwa Arsenal. (BILD) Beki wa Ufaransa Benjamin Pavard, 27, anatarajiwa kuondoka Bayern Munich baada ya Inter Milan kuonyesha nia tena ya kumtaka. (Fabrizio Romano)
Aston Villa wanamtaka Marco Asensio wa Real Madrid, ambaye anatarajiwa kuondoka bure msimu huu wa joto. Mchezaji huyo wa kimataifa wa Hispania, 27, pia anavivutia vilabu vya Paris St-Germain, Arsenal na AC Milan. (Sun)
Liverpool wanataka kumnunua kiungo wa kati wa Borussia Monchengladbach Mfaransa Manu Kone, mwenye umri wa miaka 22 mwenye thamani ya karibu euro 40m (£34.6m). (BILD)
Juventus wanaongoza katika kinyang'anyiro cha kumsajili mshambuliaji wa Chelsea Mmarekani Christian Pulisic, 24, kwa mkataba wa $25m (£20.1m). (Mail)
Kipa wa FC Porto Mreno Diogo Costa, 23, anaonekana kuwindwa na Manchester United, huku Mhispania David de Gea, 32, pia akitaka kusaini mkataba mpya kusalia United. (Mirror)
Wolves imungana na klabu za Chelsea na Crystal Palace katika mbio za kumnasa mshambuliaji wa Gambia chini ya miaka 20 Adama Bojang, 19, anayechezea Steve Biko FC ya Gambia. (Standard)
BBC
