Baada ya kuinusuru KMC kushuka daraja, Kocha Mkuu wa timu hiyo Jamhuri Kihwelo 'Julio' amesema tayari ameanza mikakati ya kukisuka upya kikosi chake kwa ajili ya msimu ujao
Juluio ameeleza kuwa anachotaka ni kuona msimu ujao timu hiyo inakuwa tishio na kuwa miongoni mwa timu zinazowania ubingwa wa Ligi Kuu Tanzania Bara
"Kazi yangu kubwa ilikuwa ni kuinusuri timu isishuke daraja nashukuru tumefanikiwa kwani tumeondoka katika janga hilo kwa sasa tunapambana tushinde mechi zetu mbili zilizobaki ili tusicheze Play- Offs"
"Kama mkuu wa benchi la ufundi nimeshaanza kujenga KMC ya msimu ujao kwa kusajili wachezaji wenye viwango bora hilo linawekana sababu hii ni timu inayojiweza," amesema Julio
Mwishoni mwa wiki iliyopita KMC, iliifunga Singida Big Stars mabao 2-0, katika mchezo uliopigwa uwanja wa Uhuru Dar es Salaam, matokeo ambayo yaliiweka sehemu salama timu hiyo huku ikisaliwa na michezo miwili kabla msimu huu kumalizika.
