Mnyama Simba ameunguruma dimba la Manungu Complex huko Turiani mkoani Morogoro wakiibuka na ushindi wa mabao 3-0 dhidi ya Mtibwa Sugar katika mchezo wa ligi kuu ya NBC
Simba ilihitaji dakika 45 tu kujihakikishia ushindi huku ikihitaji dakika saba tu kufunga mabao mawili ya haraka kupitia kwa Jean Baleke ambaye leo alikuwa shujaa wa Simba baada ya kufunga hat-trik
Akiwa katika kiwango bora, Baleke aliwaweka kwenye wakati mgumu walinzi wa Mtibwa Sugar akiongeza bao la tatu kwenye dakika ya 36 akimalizia mpira wa kichwa kutoka kwa Shomari Kapombe
Baleke amedhihirisha Simba haikufanya makosa kwenda kumsajili kule TP Mazembe. Ametua mwezi Januari na tayari amepachika mabao matano kwenye ligi
Ni ushindi muhimu kwa Simba ambao umewafanya wafikishe alama 57 sasa wakiwa nyuma ya Yanga kwa tofauti ya alama tano
Yanga watacheza na Geita Gold hapo kesho kwenye mchezo utakaopigwa uwanja wa Azam Complex
