Mshambuliaji wa Brentford matatani Uingereza

Mshambuliaji wa Brentford, Ivan Toney amekutwa na hatia ya makosa zaidi ya 230 ikiwemo ukiukaji wa sheria za Kamari za FA

Pamoja na makosa mengine Toney alituhumiwa kushiriki ubashiri mechi za soka kati ya mwaka 2017 mpaka 2021 huku FA ikiongeza mashtaka mengine 30 ambayo yalifanyika kati ya 2017 na 2019.

Toney raia wa Uingereza amekiri makosa hayo na anatarajiwa kutozwa faini na kufungiwa kucheza soka kwa miezi kuanzia minne na kuendelea kabla ya mwisho wa msimu huu

Adhabu hiyo ya Toney huenda ikamkosesha nafasi ya kuitwa kwenye timu ya Taifa England kwa ajili ya michezo ya kufuzu mashindano ya Ulaya dhidi ya Italia na Ukraine